Печатная версия газеты "Заман" на портале СМИ КБР

Къабарты-Малкъарны Башчысы Казбек Коков тюнене республиканы муниципал районларыны бла шахар округларыны администрацияларыны башчылары бла видеоконференция халда кенгеш  бардыргъанды. Анга КъМР-ни премьер-министри  Мусукланы Алий,  аны биринчи орунбасары Мурат Керефов, орунбасары Муаед Кунижев, финансла министр Елена Лисун къатышхандыла.

Акъайланы Хажи-Мырзаны жашы Къасым, театр искусствону юсю бла Москвада ГИТИС-де административ бёлюмде окъуп, бийик билим алып келген биринчи таулу жаш, 1910 жылда Булунгуда туугъанды. Ол белгили кюнден бери жюз бла он жыл озгъанды.

КъМР-ни Парламентини кезиулю пленар жыйылыуунда республиканы Правительствосу 2019 жылда тамамлагъан ишини эсеплерин белгили этгенди. Кенгешни спикер Татьяна Егорова бардыргъанды. Анга  РФ-ни Къырал Думасыны депутаты Геккиланы Заур, КъМР-ни прокурору Николай Хабаров да къатышхандыла.

КъМР-ни Башчысы  Казбек Коков Къабарты-Малкъар Республикада коронавирус жукъгъан ауруудан сакъланыуну мадарларын толтуруу эмда ол къалай жайыла баргъанына контроль этиу жаны бла оператив штабны кезиулю жыйылыуун видеоконференция халда бардыргъанды эмда республикада санитар-эпидемиология болумну юсюнден билдириулеге тынгылагъанды.

КъМР-ни Парламентини спикери Татьяна Егорова президиумну кезиулю жыйылыуун бардыргъанды. Ол эпидемиология излемле сакъланып къуралгъанды.

ХХ ёмюрде дунияны уллу поэтлеринден бири Къулийланы Къайсын бизни байрагъыбызды, байрамыбызды, ёхтемлигибизди. Дуниясын алышса да, ол белгили адамланы угъай да, бар ишчи инсанны – жер сюргенни, мал кютгенни, башха жерде ураннганны  да шуёху болгъанлай къалады. Россей адабиятда аны жан жууукълары кёпдюле.

КъМР-ни Башчысы Казбек Коков видеоконференция амал бла республиканы саулукъ сакълау учрежденияларыны башчылары бла жыйылыу бардыргъанды. Анга Правительствону башчысы Мусукланы Алий, Роспотребнадзорну КъМР-де бёлюмюню таматасы Жирослан Пагов да къатышхандыла.

Бабугент элде орналгъан экинчи номерли кадет школ-интернатда Уллу Ата журт урушну жигитлерине аталгъан стенд ачылгъанда, анда Чофанланы Майришханнга тюбейме. Ол Огъары Малкъарда Къужонланы Мухамматны къызыды. Бу юйюрню битеу сабийлери да билимли, адепли, низамлы адамладыла,

«Экспертле коронавирус оруслуланы кёбюрек нек къырмагъанын билирге сюедиле» деген ат бла чыкъгъанды информацияны былай къарагъанда эм магъанлы Bloomberg агентствосунда статья.

21 майда РФ-ни Президенти Владимир Путин видеоконференция амал бла Правительствону, федерал органланы келечилери бла кенгеш бардыргъанды. Анда сёз коронавирус жукъгъан ауруу жайылгъан кезиуде билим бериуню болумуну, бу сферада жууукъ кезиуде тамамланыллыкъ жумушланы юслеринден баргъанды.