Печатная версия газеты "Заман" на портале СМИ КБР

Кёнделен элни къуралыууна, жамауат болуууна да къыйын салгъан тукъумладан бирлери Махийларыдыла. Ала Холамдан келгендиле ары. Аланы араларында юлгюге келтирирчала бардыла: Жанмырзаны, Муратны юйюрлери.  Биринчини беш жашындан тёртюсюн таныгъаным себепли, бюгюн аланы сюйюп эсгереме.
Рамазан

Жолну уллайгъан адам ётюп барады. Мен ол тиширыуну хар жыл сайын Уллу хорламны кюнюнде ёмюрлюк отну къатында кёрюучюме. Ол ары, кёкюреги орденледен, майдалладан толуп, жылтырап, алай келиучюдю.

Къабарты-Малкъарда  «Эльбрус» ВТРК-ны тийресинде EL3 эм  EL6 эки канат пассажир жол ишлерге проект-смета документация экспертизаны ётгенди, специалистле аны къабыл кёргенлерине эсеп чыгъарылгъанды.

Къудайланы Шамшудинни аты Уллу Ата журт урушну кезиуюнде кёргюзтген батырлыкълары ючюн къыралны бек бийик саугъасына - СССР-ни Жигитине – кёргюзтюлгенлени тизмесиндеди. Алай ол кезиуде къыралда бардырылгъан миллет политиканы хатасындан анга алтын жулдуз берилмей къалгъанды.

Тикаланы Ибрагимни жашы Идирис бюгюнлюкде КъМР-ни Спорт министерствосуну олимпиадалы резервни школунда тхэквондо ВТФ-ден юйретеди. 2008 жылда уа «Къабарты-Малкъарда бек иги спортчу» деген атха тийишли кёрюлгенди. Биз аны бла спорт  бла кюрешиуню магъанасыны, тхэквондону энчиликлерини, ол юйретген фахмулу жашланы бла къызланы юслеринден ушакъ бардыргъанбыз.

РФ-ни Президенти Владимир Путин видеоконференция амал бла Правительствону эмда РФ-ни субъектлерини таматалары бла кенгеш бардыргъанды эмда  коронавирус жукъгъан аурууну жайылыуун тохтатыуну амалларын сюзгенди. Анга КъМР-ни Башчысы Казбек Коков да къатышханды.

Жулабланы Алийни жашы Узейир, малкъар адабиятда энчи тили, оюму болгъан жазыучу,  токъсан жыл мындан алда Чегем ауузунда Жууунгуда туугъанды. Онтёртжыллыгъында Къазахстаннга тюшюп, Джамбул областьда школну бошап, Къазах къырал университетде окъугъанды. Таулула Ата журтха къайтхандан сора уа Хушто-Сырт элде школну директору болуп тургъанды.

Хасан бла Хусей, орта жыл санлары келген къарындашла, Сары-Къая жайлыкъда ортакъгъа жер алып, къош тутадыла. Жаз башында, хычауманда бийиклеге жашил бет ура  тебирегенде, малларын ары чыгъарадыла. Кюзде уа,  этыйыкъны ахыр  кюнлеринде, бурчакъ къар жауарны аллында элге тюшюредиле. Жашланы жюзге жууукъ тууарлары, къауум атлары, бир ыстауат къойлары барды.

КъМР-ни Парламентини Урунуу, социал политика эм саулукъ сакълау комитетини кенгертилген жыйылыуунда «Демография» миллет проектни «Сабий туугъан юйюрлеге ахча болушлукъну юсюнден» республикалы программасы жашауда къалай бардырылгъаны сюзюлгенди.

Къыралны ичинде чайкъалыула