Печатная версия газеты "Заман" на портале СМИ КБР

Тюнене КъМР-ни Жарыкъландырыу, илму эмда жаш тёлюню ишлери жаны бла министерствосунда республиканы жер-жерлеринде орналгъан школлагъа улоуланы – 5 уллу эмда 11 гитче автобусну – къууанчлы халда бергендиле. Аланы санында уа Къашхатау, Жанхотия, Булунгу, Хушто-Сырт эллерибизни мектеплери да бардыла.

КъМР-ни Парламентинде Рождествогъа аталгъан билим бириу XXIX  халкъла аралы окъууланы  регион бёлюмю болгъанды. Бу жол ол «Александр Невский: Запад эм Восток, халкъны тарых эсгериулери» деген темагъа аталгъанды. 

«Единая Россия» «гараж амнистияны» юсюнден законну Къырал Думаны къараууна бергенди. Алай бла 3,5 миллион инсан мекямларын эмда ала орналгъан жерни иеликге алаллыкъдыла.
Партия законну проекти жаз башы сессияда къабыл кёрюлюрюн излерикди. Аны юсюнден «Единая Россияны» генсоветини секретары Андрей Турчак айтханды, деп билдиргендиле партияны пресс-службасындан. 

Къабарты-Малкъарда коронавирус инфекциядан прививкаланы этиу андан ары бардырылады. Бу жумуш онбиринчи декабрьде башланнганды. КъМР-ни Саулукъ сакълау министерствосундан билдиргенлерине кёре, бюгюнлюкге регионнга «Гам-КОВИД-Вак» вакцинаны 751 дозасы келтирилгенди.

«Ёлка желаний» деген Битеуроссей акция арт кезиуде къыралда кенг жайылгъан жандауурлукъ ишледен бириди. Къабарты-Малкъар да бу огъурлу жумушдан бир жанында къалмагъанды.

КъМР-ни Парламентини депутатлары законла чыгъарыучу органны спикери Татьяна Егорова бла бирге «Тилеклени назысы» битеуроссей жандауурлукъ акциягъа къошулгъандыла. Ала, 200 жашчыкъны бла къызчыкъны тилеклерин толтуруп, жангы жылгъы саугъала этерикдиле. 

Билдиргенибизча, гёжефибиз Мусукаланы Исмайыл Сербияны ара шахары Белградда  Тутушууну тюрлюлеринде энчи сермешиуледе дунияны Кубогу ючюн эришиулени финалына чыкъгъанды. Байрым кюн ингирде битеу ауурлукълада майдалла ючюн жыгъышыула ётгендиле.

Шабат ингирде Нальчикде ыйыкъны ичинде баргъан «Къабарты-Малкъар–100» деген Битеуроссей кинофестиваль кесини ишин бошагъанды. Аны  къууанч халда жабылыуу Музыка театрда ётгенди.  Бу жол да аны Халкъла аралы эмда Битеуроссей кинофестивальланы къураучу, Россейни халкъ артисти Сергей Новожилов, КъМР-ни сыйлы артисткасы Жанатайланы Ирэна эмда А.

КъМР-де коронавирус аурууну профилактикасы эм аны жайылыууна къажау оператив штабдан белгили этгенлерича,  пандемияны аллындан бери COVID-19-дан ауругъанланы саны 14,8 мингден озгъанды.  Ол санда тюнене ауруу 100 инсаннга жукъгъанды. 

Россейни Президенти Владимир Путинни тёрели пресс-конференциясы быйыл пандемияны хатасындан башхаракъ халда ётгенди. Къырал башчы соруулагъа жууапланы Ново-Огарёвода резиденциясындан бергенди. Бу ишге къатышхан журналистлени саны да алгъын жылладан эсе азыракъ эди.