Печатная версия газеты "Заман" на портале СМИ КБР

Правительствону юйюнде бардырылгъан кенгешде республикада предпринимательлеге этилген административ басыулукъну азайтыуну мадарлары сюзюлгендиле. 

«Аскерчини анасыны жюреги» деген битеуроссей акцияны чеклеринде Шалушкада уллу тюбешиу болгъанды. Аны Сауутланнган кючлени запасдагъы офицерлерини  "Мегапир" миллет ассоциациясыны КъМР-де  биригиую  Чегем районну  бла  Шалушканы администрацияларыны себепликлери бла  къурагъанды.

1944 жылда 8  мартда миллетибизге келген палах къартны-жашны да апчытханы хакъды. Бизни туугъан жерибизден зор бла кёчюрюрге оноу алып, тау эллени хар бирине сыйыннгысыз аскер кючле киргендиле.

Алгъаракълада билдиргенибизча, Нальчикде  "Къонакъбайлыкъ" деген халкъла аралы жаш тёлю проектни кезиулю кесеги башланнган эди. Бир ыйыкъдан а къонакъла, къонакъбайла да  биягъы "Акрополь» ресторанда   жыйылгъандыла.  Ала, столла артларында олтуруп, ушакъ этгендиле, аталарына бла аналарына, эгечлерине бла къарындашларына тюбеп, жарыкъ саламлашхандыла, къучакълашхандыла.

Россельхознадзорну Къабарты-Малкъарда эмда Шимал Осетия - Аланияда Управлениясыны жерчиликде контроль бёлюмюню специалистлери быйылны биринчи тогъуз айыны ичинде 154 контроль-надзорлукъ иш тындыргъандыла. Ол санда жюз чакълысы - план бла белгиленнген, къалгъанлары уа андан тышында жумушла, рейдле эм тинтиуле болгъандыла, деп билдиргендиле ведомстводан.

Юйюрде бир адамыбыз ауруса, ол къалай къыйын кёрюннгенин сынамагъаныбыз хазна болмаз. Аллай кезиуледе себепликни уа, айхай да, врачладан сакълайбыз.

Хаджиланы Альберт Россейни МЧС-ини бу бёлюмюнде къуллукъ этгенлени араларында бек сынаулуладан бириди.

«Гранд-Кавказ» къонакъ юйде Россейни суратчыларыны биригиуюню члени Галина Пакны энчи кёрмючю ачылгъанды. Пак Чечен Республиканы Новосельское элинде туугъанды, Санкт-Петербургда В.Серов атлы училищени бошагъанды, аны ишлерине халкъла аралы, битеуроссей эм республикалы кёрмючледе бийик багъа бериледи. Бусагъатда ол  Нальчик шахарда жашайды.

КъМР-де МВД-ны пресс-службасындан бизге билдиргенлерича, быйыл июльда право низамны сакълаучулагъа 54-жыллыкъ нальчикчи тиширыу тарыгъып келгенди. Аны айтханына кёре, анга бир белгисиз адам сёлешип, банкда ишлейме, ахчанга  файдалы хайырланыргъа юйретеме деп, картасыны шартларын билгенди. Алай бла тиширыуну счётундан 30 минг сом алыннганды. 

Тюнене Нальчикде «Гладиатор» спорт комплексде  СССР-ни  спортуну устасы Оракъланы Мухажирни жашы Харунну хурметине  эркин тутушуудан биринчи  битеуроссей турнир бардырылгъанды. Анга 2007-2008, 2009-2010, 2011-2012 жыллада туугъан жашчыкъладан 350-си  къатышханды.