16.06.2021, 10:40 - Статьи

Тюнене РФ-ни Правительствосуну Председатели Михаил Мишустин Пятигорскда Шимал-Кавказ федерал округну социал-экономика айныууну ишлери жаны бла правительстволу комиссияны къаууму бла кенгеш бардыргъанды.

16.06.2021, 10:39 - Статьи

КъМР-ни Башчысы Казбек Коков Бахсан шахар округда  солуу паркны ачылыууна къатышханды.

16.06.2021, 10:38 - Статьи

Ишлеринде жетишимле болдургъанлагъа, бет жарыкълы уруннганлагъа Россейни кюнюнде Правительствону юйюнде къырал саугъала бериу  тёреге айланнганды. Бу жолда да аллай къууанчлы жыйылыу болгъанды. Ол КъМР-ни Правительствосуну Колонналы залында бардырылгъанды. 

16.06.2021, 10:37 - Статьи

Окъууда, жамауат жашауда, спортда жетишимле кёргюзтген жашлагъа бла къызлагъа РФ-ни инсаныны паспортун къууанчлы халда КъМР-ни Парламентинде Россейни кюнюню аллында бериу тёреге айланнганды.

11.06.2021, 10:12 - Статьи

КъМР-ни Башчысы Казбек Коков Регионланы айнытыу жаны бла правительстволу комиссияны РФ-ни Правительствосуну Председателини орунбасары Марат Хуснуллинни башчылыгъы бла  бардырылгъан жыйылыууна къатышханды. 

09.06.2021, 10:33 - Статьи

КъМР-ни Башчысы Казбек Коков Туризмни айнытыу жаны бла правительстволу комиссияны жыйылыууна къатышханды. Кенгеш видеоконференция халда РФ-ни Правительствосуну Председателини орунбасары Дмитрий Чернышенкону башчылыгъы бла ётгенди.

09.06.2021, 10:32 - Статьи

Быйылны 19 сентябринде Россей Федерацияны Къырал Думасына эмда  жер-жерли  самоуправленияны органларына депутатла айырыллыкъдыла. Сайлаулагъа хазырланыуну чеклеринде  Черек районда  жамауат къараучулагъа семинар къуралгъанды.

Последнее


«Энди мен аурумайма, къоркъмайма, андан сора не керекди!»

Кенг жайылгъан ауруугъа -  коронавирусха - къажау  кюреш тохтаусуз барады. Андан къутулууну жаланда бир амалы барды - вакцинация. Алимле, врачла, специалистле не  къадар кёп адам дарман салдырса, ауруу да кючюн тас эте барлыкъды деп, бир аууздан айтадыла.  Жамауатны арасында да аны кёпле ангылап, тийишли мадар этедиле. Аланы бир къауумуна тюбеп, ушакъ этгенбиз. 

Аямай быргъыланы алышдырадыла

Бюгюнлюкде КъМР-ни Регионнга оноу этиу арасына   ичер суу бла жалчытыуну юсюнден аслам тарыгъыу  келеди. Ол себепден аны келечилери кёп болмай Чегем районда болуп, жер-жерли власть органла жамауатны тарыгъыуларына къалай эс бургъанларын тинтгендиле. 

Тамамланырыкъ жумушла белгиленнгендиле

КъМР-ни Башчысы Казбек Коков Зольск муниципал районнга иш бла баргъанды. Каменномосткое элде ол бу кюнледе буз уруп, башын халек этген школну жокълагъанды. Районну администрациясыны башчысы Руслан Гятов, элни таматасы эмда билим бериу учрежденияланы оноучулары бла тюбешгенди. 

Келгенлени жарсыуларына тынгылагъанды, тийишли буйрукъла бергенди

КъМР-ни Башчысы Казбек Коков бу кюнледе республикада жашагъанланы бир къаууму бла кезиулю  тюбешиу бардыргъанды. Бу жол анга жарсыулары бла Элбрус, Терк эмда Прохладна муниципал районлада жашагъан инсанла келгендиле. Аланы тилеклери кёп сабийли  къолайсыз юйюрлеге тутхучлулукъ этиу, къыяулу сабийлеге энчи медицина болушлукъну къураргъа болушуу бла байламлы эдиле.

Бир ёмюрню ичинде жамауатны къайгъырыулары бла жашайды, тюзлюкге, игиликге, къайда да бийик даражагъа жетиуню жалчытыргъа алланып турады

Бу кюнледе «Кабардино-Балкарская правда» газет басмадан чыгъып башлагъанлы жюз жыл болады. Сау ёмюрню ичинде аны аты, излемлери, анда ишлеген журналистлени къауумлары да тюрлене,  алай ол бюгюн да тутхан иши бла таукелликге чакъыргъанлай турады . 

Жангы окъуу жерле къураугъа – 144,6 миллиард сом

РФ-ни Правительствосу школлада жангы окъуу жерлени къурауну къайгъысын кёргенлей турады. Жууукъ юч жылны ичинде ол жумушну толтуруугъа 144,6 миллиард сомдан артыкъ берилликди. Аны юсюнден оноугъа Россейни Правительствосуну председатели Михаил Мишустин къол салгъанды.

Алгъадан къол кётюрюуню эсеплери чыгъарыладыла

Тергеуле алгъадан къол кётюрюу къыралыбызны кюнбатыш жанында, Калининград областьда, бошалгъандан сора «Единая Россияны» председатели Дмитрий Медведевни  оноуу бла башланнгандыла.

Посланияда салыннган борчланы тындырыу планнга къаралгъанды

КъМР-ни Парламентини спикери Татьяна Егорова президиумну кезиулю жыйылыуун бардыргъанды. Анда депутатла КъМР-ни Башчысыны Посланиясында белгиленнген жумушланы толтурууну планын сюзюп, къабыл кёргендиле. 

Аттракционлагъа бла зоопаркга – хакъсыз

1 июньда, Сабийлени къоруулауну халкъла аралы кюнюнде, Нальчикде аттракционла бла зоопарк 12 жыллары толмагъанлагъа  хакъсыз ишлерикдиле. Кинотеатрлада да 13.00 сагъатха дери кинолагъа ахча тёлемей къараргъа боллукъду.

Быйыл республикада жангы юйледен 513 минг квадрат метрни хайырланыргъа берирге план салынады

КъМР-ни Башчысы Казбек Коков Россей Федерацияда Регионланы айнытыу жаны бла правительстволу комиссияны президиумуну бла РФ-ни Къурулуш эмда ЖКХ министерствосуну коллегиясыны Россейни вице-премьери Марат Хуснуллин бардыргъан бирикген жыйылыуларына къатышханды.

Страницы

Подписка на Печатная версия газеты "Заман" на портале СМИ КБР RSS